ಎಸ್ತೇರಳ ಚರಿತ್ರೆ: ದೈವಿಕ ಸಂಕಲ್ಪ ಮತ್ತು ವಿಮೋಚನೆ

ಎಸ್ತೇರಳ ಚರಿತ್ರೆ: ದೈವಿಕ ಸಂಕಲ್ಪ ಮತ್ತು ವಿಮೋಚನೆ

ವಾಕ್ಯ ಆಧಾರ: ಎಸ್ತೇರಳು 1:1-9; ಮತ್ತಾಯ 24:41; 2 ಕೊರಿಂಥದವರಿಗೆ 2:14.

ದೇವರು ಇಸ್ರಾಯೇಲ್ಯರಿಗೆ ಅನೇಕ ಬಾರಿ ತನ್ನ ಅಪಾರ ಕೃಪೆಯನ್ನು ತೋರಿಸಿದರೂ, ಅವರು ಪದೇ ಪದೇ ದೇವರಿಗೆ ವಿರೋಧವಾಗಿ ನಡೆದರು. ಈ ಕಾರಣಕ್ಕಾಗಿ ದೇವರು ಅವರನ್ನು ಶಿಕ್ಷಿಸಿ, ಅಂತಿಮವಾಗಿ ಶತ್ರುಗಳ ಕೈಗೆ ಒಪ್ಪಿಸಿ ಪರದೇಶದಲ್ಲಿ ಗುಲಾಮರನ್ನಾಗಿ ಮಾಡದನು. ಅಂದು ಪರ್ಷಿಯಾ ದೇಶಕ್ಕೆ ಸೆರೆಯಾಳಾಗಿ ಒಯ್ಯಲ್ಪಟ್ಟವರಲ್ಲಿ ಮೊರ್ದಕೈ ಒಬ್ಬನಾಗಿದ್ದನು. ಆತನೇ ಎಸ್ತೇರಳನ್ನು ಮಗಳಂತೆ ಪ್ರೀತಿಯಿಂದ ಸಾಕಿ ಬೆಳೆಸಿದನು. ದೈವಿಕ ಸಂಕಲ್ಪದಂತೆ, ಒಬ್ಬ ಸಾಮಾನ್ಯ ಯೆಹೂದ್ಯ ಹುಡುಗಿಯಾಗಿದ್ದ ಎಸ್ತೇರಳು ಮಹಾರಾಜ ಅಹಷ್ವೇರೋಷನ ಪತ್ನಿಯಾದಳು. ಈ ರಾಜನು ಹಿಂದೂ ದೇಶದಿಂದ (ಇಂಡಿಯಾ) ಕೂಷ್ ದೇಶದವರೆಗೆ ಹರಡಿದ್ದ 127 ಪ್ರಾಂತ್ಯಗಳ ಮಹಾನ್ ಸಾಮ್ರಾಜ್ಯವನ್ನು ಆಳುತ್ತಿದ್ದನು.

ಗಮನಾರ್ಹ ಅಂಶ: ಬೈಬಲ್‌ನಲ್ಲಿ 'ಇಂಡಿಯಾ' (ಹಿಂದೂ ದೇಶ) ಎಂಬ ಹೆಸರು ಉಲ್ಲೇಖವಾಗಿರುವ ಏಕೈಕ ಪುಸ್ತಕವೆಂದರೆ ಅದು ಎಸ್ತೇರ ಗ್ರಂಥ ಮಾತ್ರ.

ರಾಜ ಅಹಷ್ವೇರೋಷನು ಗ್ರೀಕ್ ದೇಶದ ಮೇಲೆ ವಿಜಯ ಸಾಧಿಸಿದ ಸಂತೋಷಕ್ಕಾಗಿ ಒಂದು ಭವ್ಯವಾದ ಔತಣವನ್ನು ಏರ್ಪಡಿಸಿದ್ದನು. ಆ ಸಮಾರಂಭಕ್ಕೆ ಹಿಂದೂ ದೇಶದ ಅಧಿಕಾರಿಗಳೂ ಸೇರಿದಂತೆ ಸಾಮ್ರಾಜ್ಯದ ಎಲ್ಲಾ ಪ್ರಮುಖರು ಬಂದಿದ್ದರು. ಆ ಸಮಯದಲ್ಲಿ ರಾಜನು ತನ್ನ ರಾಣಿಯಾದ ವಷ್ಟಿಯ ಸೌಂದರ್ಯವನ್ನು ಸಭೆಯ ಮುಂದೆ ಪ್ರದರ್ಶಿಸಲು ಬಯಸಿದನು. ಆದರೆ ವಷ್ಟಿಯು ರಾಜಾಜ್ಞೆಯನ್ನು ತಿರಸ್ಕರಿಸಿದಳು. ಇದರ ಫಲವಾಗಿ ಆಕೆಯು ತನ್ನ ರಾಣಿ ಪದವಿಯನ್ನು ಕಳೆದುಕೊಂಡಳು ಮತ್ತು ಆ ಸ್ಥಾನಕ್ಕೆ ಎಸ್ತೇರಳು ನೇಮಿಸಲ್ಪಟ್ಟಳು.

ಇದೇ ಸಮಯದಲ್ಲಿ, ರಾಜನ ಮಂತ್ರಿಯಾದ ಹಾಮಾನನು ತನ್ನ ಅಹಂಕಾರದಿಂದಾಗಿ ಯೆಹೂದ್ಯರನ್ನೆಲ್ಲಾ ನಾಶಮಾಡಲು ಒಂದು ಕುತಂತ್ರದ ಆಜ್ಞೆಯನ್ನು ಹೊರಡಿಸಿ ರಾಜನ ಮುದ್ರೆ ಹಾಕಿಸಿದನು. ಆದರೆ ಎಸ್ತೇರಳ ಮೇಲೆ ರಾಜನಿಗಿದ್ದ ಪ್ರೀತಿ ಮತ್ತು ದೇವರ ಅದೃಶ್ಯ ಹಸ್ತವು ಪರಿಸ್ಥಿತಿಯನ್ನು ಬದಲಿಸಿತು. ಯೆಹೂದ್ಯರನ್ನು ಕೊಲ್ಲಲು ಬಂದ ಶತ್ರುಗಳನ್ನೇ ಸಂಹರಿಸಲು ರಾಜನು ಮರುಆಜ್ಞೆ ನೀಡಿದನು. ಈ ಮಹಾ ಸಂಕಷ್ಟದ ಸಮಯದಲ್ಲಿ ಎಸ್ತೇರಳು ಮೂರು ದಿನಗಳ ಕಾಲ ಕಠಿಣ ಉಪವಾಸವಿದ್ದು ದೇವರಿಂದ ಸಹಾಯವನ್ನು ಪಡೆದಳು. ಅಂತಿಮವಾಗಿ ಯೆಹೂದ್ಯರು ತಮ್ಮ ಶತ್ರುಗಳ ಮೇಲೆ ಜಯ ಸಾಧಿಸಿ ರಕ್ಷಿಸಲ್ಪಟ್ಟರು.

---

ಈ ಚರಿತ್ರೆಯ ಪ್ರಮುಖ ಸಂದೇಶಗಳು:

·   ದೈವಿಕ ಸಿದ್ಧತೆ: ಶತ್ರುವು ಸಂಚು ಹೂಡುವ ಮೊದಲೇ ದೇವರು ತನ್ನ ಜನರನ್ನು ರಕ್ಷಿಸಲು ಎಸ್ತೇರಳನ್ನು ರಾಣಿಯನ್ನಾಗಿ ಸಿದ್ಧಪಡಿಸಿದ್ದನು.

·  ಉಪವಾಸದ ಶಕ್ತಿ: ರಾಜಾಜ್ಞೆಯನ್ನು ಬದಲಿಸಲು ಎಸ್ತೇರಳು ಆಯುಧಗಳಿಗಿಂತ ಪ್ರಾರ್ಥನೆ ಮತ್ತು ಉಪವಾಸವನ್ನೇ ಆಶ್ರಯಿಸಿದಳು.

·      ಇತಿಹಾಸದಲ್ಲಿ ದೇವರು: ಪರ್ಷಿಯಾ ಚಕ್ರಾಧಿಪತ್ಯದಂತಹ ಬೃಹತ್ ಸಾಮ್ರಾಜ್ಯದ ನಿರ್ಧಾರಗಳ ಹಿಂದೆ ದೇವರ ಸಂಕಲ್ಪ ಕೆಲಸ ಮಾಡಿತು ಎಂಬುದು ಇಲ್ಲಿ ಸ್ಪಷ್ಟವಾಗುತ್ತದೆ.

ಈ ಗ್ರಂಥದಲ್ಲಿ ದೇವರ ನಾಮವು ಉಲ್ಲೇಖವಾಗದಿದ್ದರೂ ದೇವರ ಸಹಾಯವು ಅಡಗಿದೆ. ಹಾಗೆಯೇ ಆತನು ನಮಗೆ ಕಣ್ಣಿಗೆ ಕಾಣಿಸದಿದ್ದರೂ, ರಹಸ್ಯವಾಗಿ ನಮಗೆ ಸಹಾಯ ಮಾಡುತ್ತಿದ್ದಾನೆ ಎಂಬುದು ಇದರ ಮೂಲಕ ವ್ಯಕ್ತವಾಗುತ್ತದೆ. ಒಬ್ಬ ಸ್ತ್ರೀಯ ಮೂಲಕ ಅನೇಕರು ಜೀವವನ್ನು ಪಡೆದರು. ಅಹಷ್ವೇರೋಷನು ತನ್ನ ರಾಜ್ಯದ ವೈಭವವನ್ನು ಪ್ರದರ್ಶಿಸಲು ಔತಣವನ್ನು ಏರ್ಪಡಿಸಿದನು. ಯೇಸು ಕ್ರಿಸ್ತನು ಯುವರಾಜನು; ಈ ಲೋಕದಲ್ಲಿ ಆತನಿಗೆ ಒಂದು ಸಭೆಯಿದೆ. ಅಹಷ್ವೇರೋಷನು ವಷ್ಟಿಯನ್ನು ತ್ಯಜಿಸಿದಂತೆಯೇ, ಕ್ರಿಸ್ತ ಪ್ರಭುವು ತನ್ನನ್ನು ಅಂಗೀಕರಿಸದವರನ್ನು ಈ ಲೋಕದಲ್ಲಿಯೇ ಕೈಬಿಡುವನು.

ಉಪವಾಸ ಪ್ರಾರ್ಥನೆಗಳಿಂದ ಸಿದ್ಧಗೊಂಡ ಎಸ್ತೇರಳನ್ನು ರಾಜನು ಹೇಗೆ ಸ್ವೀಕರಿಸಿದನೋ, ಹಾಗೆಯೇ ಸಿದ್ಧರಾದವರನ್ನು; ಫಿಲಿಪ್ಪನನ್ನು ಆತ್ಮವು ಕೊಂಡೊಯ್ದ ರೀತಿಯಲ್ಲಿ ಪ್ರಭುವು ಪರಲೋಕಕ್ಕೆ ಕೊಂಡೊಯ್ಯುವನು. ವಷ್ಟಿಯಂತೆ ನಾಮಧಾರಿ ಕ್ರೈಸ್ತರು ಬಿಡಲ್ಪಡುವರು. ಪ್ರಸ್ತುತ ಈ ಸಿದ್ಧತೆಯ ಕಾರ್ಯವು ಭೂಲೋಕದಲ್ಲಿಯೇ ನಡೆಯುತ್ತಿದೆ. ಇಬ್ಬರು ಬೀಸುವ ಕಲ್ಲಿನಲ್ಲಿ ಬೀಸುತ್ತಿರುತ್ತಾರೆ; ಒಬ್ಬರು ಕೊಂಡೊಯ್ಯಲ್ಪಡುವರು, ಮತ್ತೊಬ್ಬರು ಬಿಡಲ್ಪಡುವರು (ಕೈಬಿಡಲ್ಪಡುವರು). ಅಂದರೆ ಸಿದ್ಧವಾಗಿರುವವರು ಎತ್ತಲ್ಪಡುತ್ತಾರೆ, ಸಿದ್ಧತೆ ಇಲ್ಲದೆ ಕೆಲಸ ಮಾಡುವವರು ಬಿಡಲ್ಪಡುತ್ತಾರೆ. ಸಿದ್ಧವಾಗದವರು, "ಪ್ರಭು ಬಂದಾಗ ಸಿದ್ಧವಾಗೋಣ ಬಿಡು" ಎಂದು ಅಂದುಕೊಳ್ಳುತ್ತಾರೆ. ವಷ್ಟಿ ರಾಣಿಯ ಗುಂಪಿನವರು ಇಲ್ಲಿಯೇ ಉಳಿಯುತ್ತಾರೆ. ಇವರೇ ಕರೆಯಲ್ಪಟ್ಟವರು. ಕರೆಯಲ್ಪಟ್ಟವರು ಅನೇಕರು, ಆದರೆ ಆರಿಸಲ್ಪಟ್ಟವರು ಕೆಲವರು (ಮತ್ತಾಯ 24:41).

ಎಸ್ತೇರ ರಾಣಿಯ ಪಂಗಡದವರು ಯಾರೆಂದರೆ:

1.    ಸತ್ಯವೇದವನ್ನು ಶ್ರದ್ಧೆಯಿಂದ ಓದಿದವರು.

2.    ಪ್ರಾರ್ಥನೆಯಲ್ಲಿ ಆಸಕ್ತರಾದವರು.

3.    ದೇವರ ಸೇವೆಯನ್ನು ನಿಷ್ಠೆಯಿಂದ ಮಾಡಿದವರು.

4.    ಸಂಕಷ್ಟಗಳನ್ನು (ಶ್ರಮೆಗಳನ್ನು) ಸಹನೆಯಿಂದ ಅನುಭವಿಸಿದವರು. ಇವರೇ ವಧುವಾಗಿ ಸಿದ್ಧಗೊಂಡು ಎಸ್ತೇರ ರಾಣಿಯ ಸ್ಥಾನದಲ್ಲಿ ನಿಲ್ಲಲು ಸಾಧ್ಯ.

5.    ರಾಣಿಯಾಗುವ ಸಲುವಾಗಿ ಎಸ್ತೇರಳು ರಾಜನ ಬಳಿಗೆ ಬಂದಳು.

6. ಎಸ್ತೇರಳನ್ನು ವಧುವನ್ನಾಗಿ ಸಿದ್ಧಪಡಿಸಲು ಬೇಕಾದ ಸಹಾಯಕ ಸ್ತ್ರೀಯರನ್ನು, ಆಭರಣಗಳನ್ನು ಹಾಗೂ ವಸ್ತುಗಳನ್ನು ರಾಜನೇ ಒದಗಿಸಿದನು. 12 ತಿಂಗಳುಗಳ ಕಾಲ ಸಿದ್ಧಗೊಂಡ ನಂತರವೇ ವಿವಾಹವು ನಡೆಯಿತು. ಹೇಗೈ ಎಂಬುವವನು ಆಕೆಯನ್ನು ಎರಡು ವಿಧದ ವಸ್ತುಗಳಿಂದ ಸಿದ್ಧಪಡಿಸಿದನು: 1) ಕಹಿಯಾದ ವಸ್ತುಗಳು (ಪರಿಶುದ್ಧತೆಗಾಗಿ), 2) ಸುಗಂಧ ದ್ರವ್ಯಗಳು.

1. ಕಹಿಯಾದ ದ್ರವ್ಯಗಳ ವಿವರಣೆ: ಕಹಿಯು ಶಿಲುಬೆಯ ಸಂಕೇತವಾಗಿದೆ. ಈ ಕಹಿಯು ಶಿಲುಬೆಯ ಮೇಲೆ ಆತನು ಅನುಭವಿಸಿದ ಮಹಾ ಸಂಕಟಗಳಿಗೆ (ಶ್ರಮೆಗಳಿಗೆ) ನಿದರ್ಶನವಾಗಿದೆ. ಜೀವನದಲ್ಲಿ ಎಷ್ಟೇ ನಿಂದೆ-ಅವಮಾನಗಳು ಎದುರಾದರೂ, ಮನಗುಂದದೆ ಸ್ಥಿತಪ್ರಜ್ಞತೆಯಿಂದ ಸಹಿಸಿಕೊಳ್ಳಬೇಕು. ವಧುವಾಗಿ ಸಿದ್ಧವಾಗುವ ಪ್ರತಿಯೊಬ್ಬರಿಗೂ ಈ ಸಹನಾಶೀಲತೆ ಅತ್ಯಗತ್ಯ.

2. ಸುಗಂಧ ದ್ರವ್ಯಗಳ ವಿವರಣೆ: ಸುಗಂಧವು 'ರಹಸ್ಯ ಸಹವಾಸ'ದ ಸಂಕೇತವಾಗಿದೆ. ಪರಿಮಳ ದ್ರವ್ಯಗಳಿಂದ ಸುಗಂಧವು ಹೇಗೆ ಹರಡುತ್ತದೆಯೋ, ಹಾಗೆಯೇ ನಾವು ಏಕಾಂತದಲ್ಲಿ ಪ್ರಭುವಿನೊಂದಿಗೆ ಕಳೆಯುವ ಸಮಯವು ನಮ್ಮಲ್ಲಿ ದೈವಿಕ ಪರಿಮಳವನ್ನು ತುಂಬುತ್ತದೆ. ಆತನ ದಿವ್ಯ ಲಕ್ಷಣಗಳನ್ನು ಅಳವಡಿಸಿಕೊಂಡಾಗ ಮಾತ್ರ ವಧುವಿಗೆ ಆಧ್ಯಾತ್ಮಿಕ ಸೌಂದರ್ಯ ಮತ್ತು ಕಾಂತಿ ಲಭಿಸುತ್ತದೆ. ಸುಗಂಧವು ಕಣ್ಣಿಗೆ ಕಾಣಿಸದಿದ್ದರೂ ತನ್ನ ಇರುವಿಕೆಯನ್ನು ಚಾಪಿಸುತ್ತದೆ; ಹಾಗೆಯೇ ಕ್ರಿಸ್ತನೊಂದಿಗೆ ವಧುವು ನಡೆಸುವ ರಹಸ್ಯ ಪ್ರಾರ್ಥನಾ ಜೀವನವು ಹೊರಗಣ್ಣಿಗೆ ಗೋಚರಿಸದಿದ್ದರೂ ಅವಳನ್ನು ಮದುವೆಗೆ ಸಿದ್ಧಗೊಳಿಸುತ್ತದೆ.

ವಧುವಿನ ಸಿದ್ಧತೆಯಲ್ಲಿರುವವರು ಪವಿತ್ರಾತ್ಮನ ಬಾಪ್ತಿಸ್ಮವನ್ನು ಹೊಂದಿರಬೇಕು. ಅಂದರೆ, ಮಾನವ ಆತ್ಮವು ದೈವಿಕ ಆತ್ಮದೊಂದಿಗೆ ಐಕ್ಯಗೊಂಡು ಪವಿತ್ರಾತ್ಮನ ಸ್ವರೂಪವನ್ನು ಧರಿಸಿಕೊಳ್ಳಬೇಕು. ದೈವಭಕ್ತರಾದ ಸಾಧು ಸುಂದರ್ ಸಿಂಗ್ ಅವರು ಮಾರ್ಮಿಕವಾಗಿ ಹೇಳಿರುವಂತೆ:

"ಬೊಗ್ಗನ್ನು ಎಷ್ಟು ತೊಳೆದರೂ ಅದರ ಕಪ್ಪನ್ನು ಹೋಗಲಾಡಿಸಲು ಸಾಧ್ಯವಿಲ್ಲ. ಆದರೆ ಅದು ಅಗ್ನಿಯಲ್ಲಿ ಸುಡಲ್ಪಟ್ಟಾಗ ಅದರ ಕಪ್ಪು ಮಾಯವಾಗಿ ಕೆಂಡದಂತೆ ಪ್ರಕಾಶಿಸುತ್ತದೆ. ಹಾಗೆಯೇ ಒಬ್ಬ ಪಾಪಿಯು ಪವಿತ್ರಾತ್ಮನ ಅಗ್ನಿ ಬಾಪ್ತಿಸ್ಮವನ್ನು ಪಡೆದಾಗ, ಪಾಪವೆಂಬ ಕಲ್ಮಶವು ನೀಗಿಹೋಗುತ್ತದೆ. ಅಗ್ನಿಯು ಬೊಗ್ಗಿನೊಳಗೆ ವ್ಯಾಪಿಸಿರುವಂತೆ, ಪವಿತ್ರಾತ್ಮನು ನಮ್ಮ ಅಂತರಾತ್ಮದಲ್ಲಿ ನೆಲೆಸುತ್ತಾನೆ."

ಈ ಆಧ್ಯಾತ್ಮಿಕ ಅನುಭವವು ಪ್ರಸ್ತುತ ನಮ್ಮಲ್ಲಿ ಸಿದ್ಧತೆಯ ರೂಪದಲ್ಲಿ ನಡೆಯುತ್ತಿದೆ.

---

ಸಾರಾಂಶ ಮತ್ತು ಹೋಲಿಕೆ:

• ಸಂರಕ್ಷಣೆ: ರಾಜನು ಬಂದಾಗ ತನ್ನ ರಾಣಿಯನ್ನು ಕೊಲ್ಲಲು ಸಮ್ಮತಿಸಲಿಲ್ಲ. ವಧುವಾದ ಎಸ್ತೇರಳನ್ನು ಆತನು ರಕ್ಷಿಸಿದನೇ ಹೊರತು ಕಳೆದುಕೊಳ್ಳಲಿಲ್ಲ; ಬದಲಾಗಿ ವಷ್ಟಿಯನ್ನು ಮತ್ತು ಅಹಂಕಾರಿ ಮಂತ್ರಿ ಹಾಮಾನನನ್ನು ಕಳೆದುಕೊಂಡನು. ಅದೇ ರೀತಿ, ಪ್ರಭು ಯೇಸು ತನ್ನ ವಧುವಾದ 'ಪರಿಶುದ್ಧ ಸಭೆಯನ್ನು' ಎಂದಿಗೂ ಕೈಬಿಡುವುದಿಲ್ಲ (ಕೀರ್ತನೆ 22:30-31, ದಾನಿಯೇಲ 12:3).
• ನಕ್ಷತ್ರದ ಹೋಲಿಕೆ: 'ಎಸ್ತೇರ' ಎಂದರೆ ಪೌರಸ್ತ್ಯ ದೇಶದ ನಕ್ಷತ್ರವೆಂದು ಅರ್ಥ. ದಾನಿಯೇಲ 12:3ರಲ್ಲಿ ಹೇಳಿರುವಂತೆ, ವಧುವಿನ ಸಾಲಿನಲ್ಲಿರುವವರು ನಕ್ಷತ್ರಗಳಂತೆ ತೇಜಸ್ವಿಯಾಗಿರುತ್ತಾರೆ.
• ಶಿಕ್ಷೆ ಮತ್ತು ಕೃಪೆ: ರಾಜನು ವಷ್ಟಿಯನ್ನು ಕೊಲ್ಲಲಿಲ್ಲ, ಕೇವಲ ತ್ಯಜಿಸಿದನು. ಹಾಗೆಯೇ ಕ್ರಿಸ್ತ ಪ್ರಭುವು ನಾಮಧಾರಿ ಕ್ರೈಸ್ತರನ್ನು ಸಂಪೂರ್ಣವಾಗಿ ನಾಶಪಡಿಸದೆ, ಅವರನ್ನು ಏಳು ವರ್ಷಗಳ ಮಹಾ ಸಂಕಟದ (ಶಿಕ್ಷೆಯ) ಕಾಲಕ್ಕೆ ಒಪ್ಪಿಸುವನು.
• ದೇವರ ರಹಸ್ಯ ಕಾರ್ಯ: ಎಸ್ತೇರ ಗ್ರಂಥದಲ್ಲಿ ರಾಜ ಅಹಷ್ವೇರೋಷನ ಹೆಸರು 187 ಬಾರಿ ಉಲ್ಲೇಖವಾಗಿದ್ದರೂ, ದೇವರ ಹೆಸರು ಒಮ್ಮೆಯೂ ಬರುವುದಿಲ್ಲ. ಇದಕ್ಕೆ ಕಾರಣ, ದೇವರು ತೆರೆಯ ಮರೆಯಲ್ಲಿ ನಿಂತು ರಹಸ್ಯವಾಗಿ ತನ್ನ ಅದ್ಭುತ ಕಾರ್ಯಗಳನ್ನು ನಿರ್ವಹಿಸುತ್ತಿದ್ದನು.

ನಿರ್ಗಮನ ಕಾಂಡದಲ್ಲಿ ದೇವರು 'ಮರೆಯಿಂದ (ಪರೋಕ್ಷವಾಗಿ) ಮಾತನಾಡಿದನು' ಎಂದು ಬರೆಯಲ್ಪಟ್ಟಿದೆ. ಉದಾಹರಣೆಗೆ: ಪೊದೆಯ ಮರೆಯಿಂದ ಮೋಶೆಯೊಂದಿಗೆ ಸಂಭಾಷಿಸುವುದು, ಮೇಘಸ್ತಂಭದೊಳಗಿನಿಂದ ಇಸ್ರಾಯೇಲ್ಯರೊಂದಿಗೆ ಮಾತನಾಡುವುದು. ಬೈಬಲ್‌ನ ಇತರ ಪುಸ್ತಕಗಳಲ್ಲಿಯೂ ಸಹ ಆತನು ಮರೆಯನ್ನು ಮಾಡಿಕೊಂಡೇ ಕಾರ್ಯನಿರ್ವಹಿಸಿದಂತೆ ಉಲ್ಲೇಖಿಸಲಾಗಿದೆ. ಇದರರ್ಥ, 'ನಮ್ಮ ಕಷ್ಟಕಾಲದಲ್ಲಿ ಮತ್ತು ನಷ್ಟದ ಸಮಯದಲ್ಲಿ ದೇವರು ಮರೆಯಿಂದಲೇ ನಮಗೆ ಸಹಾಯ ಮಾಡುತ್ತಿದ್ದಾನೆ' ಎಂದು ನಾವು ಗ್ರಹಿಸಬೇಕು. ಅದೇ ರೀತಿ, ಇಲ್ಲಿ ಯಹೂದಿಗಳಿಗೆ ಬಂದೊದಗಿದ ಸಂಕಷ್ಟದಲ್ಲಿ, ಆತನು ಮರೆಯಿಂದಲೇ ಅವರನ್ನು ರಕ್ಷಿಸಿದನು. ಅಂದು ಯಹೂದಿಗಳು 'ಪೂರೀಮ್' ಹಬ್ಬವನ್ನು ಆಚರಿಸಿ ಒಬ್ಬರಿಗೊಬ್ಬರು ಉಡುಗೊರೆಗಳನ್ನು ಹಂಚಿಕೊಂಡಂತೆ, ಇಂದು ನಾವು ಕ್ರಿಸ್‌ಮಸ್ ಹಬ್ಬದ ಸಂದರ್ಭದಲ್ಲಿ ಪರಸ್ಪರ ಉಡುಗೊರೆಗಳನ್ನು ನೀಡುತ್ತಿದ್ದೇವೆ.

ಎಸ್ತೇರನ ಗುಂಪಿನವರ ಆಲೋಚನೆ:

1.    ವಿನಯಶೀಲತೆ: "ದಾಸಿಯಾದ ನನ್ನನ್ನು ರಾಜನು ಆರಿಸಿಕೊಳ್ಳುವನೇ?" (ಇಲ್ಲಿ ಸಂದೇಹಕ್ಕಿಂತ ಹೆಚ್ಚಾಗಿ ದೈವಿಕ ವಿನಯವಿದೆ).

2.    ಸಮರ್ಪಣೆ: "ನಾನು ದಾಸಿಯೆಂದು ತಿಳಿದರೆ ಮರಣದಂಡನೆ (ಕತ್ತಿ) ಖಚಿತ."

3.    ನಂಬಿಕೆ: "ಆದಾಗ್ಯೂ ನಾವು ಆರಿಸಲ್ಪಟ್ಟ ಜನಕುಲದವರಾದ್ದರಿಂದ ಧೈರ್ಯವಾಗಿರೋಣ."

ಈ ರೀತಿಯಾಗಿ ಆಲೋಚಿಸುವವರು 'ಕ್ರಿಸ್ತನ ವಧುವಿನ' (ವಧುವಿನ ಸಭೆ) ಸಾಲಿನಲ್ಲಿ ನಿಲ್ಲುತ್ತಾರೆ. ಸಾವು ನಿಶ್ಚಿತವೆಂದು ತಿಳಿದಿದ್ದರೂ, ಎದೆಗುಂದದೆ ಧೈರ್ಯದಿಂದ ಇರುವವರು ಕರ್ತನ ಎರಡನೇ ಬರುವಿಕೆಯಲ್ಲಿ ಎತ್ತಲ್ಪಡುತ್ತಾರೆ.

ವಷ್ಟಿಯ ಗುಂಪಿನವರ ಆಲೋಚನೆ:

1. ಅಪನಂಬಿಕೆ: "ಕರ್ತನು ನನ್ನನ್ನು ವಧುವಿನ ಸಾಲಿನಲ್ಲಿ ಸೇರಿಸುವನೇ?" (ಇವರಲ್ಲಿ ಅನುಮಾನ ಮತ್ತು ಅನಿಶ್ಚಿತತೆ ಇರುತ್ತದೆ).

2.    ಭಯ: "ಮದುವೆಯ ವಸ್ತ್ರವನ್ನು ಧರಿಸದೆ ನೀನು ಇಲ್ಲಿಗೆ ಹೇಗೆ ಬಂದೆ?" ಎಂದು ಕರ್ತನು ಕೇಳಬಹುದೆಂದು ಇವರು ಹೆದರುತ್ತಾರೆ (ಮತ್ತಾಯ 22:12).

ಇವರು ಈ ವಧುವಿನ ಗುಂಪಿಗೆ ಸೇರಲು ಸಂದೇಹಿಸುವುದರಿಂದ, ಕರ್ತನ ಬರುವಿಕೆಯ ದಿನದಂದು ಇವರು ಎತ್ತಲ್ಪಡಲಾರರು. ಸಂದೇಹಿಸುವವರು ವಷ್ಟಿಯಂತೆ ಕೈಬಿಡಲ್ಪಡುತ್ತಾರೆ. ಎಸ್ತೇರಳಂತೆ ಧೈರ್ಯದಿಂದಿದ್ದು, ವರನಾದ ಕ್ರಿಸ್ತನನ್ನು ಎದುರಿಸುವ ಭಾಗ್ಯವನ್ನು ಕರ್ತನು ಈ ಸಭೆಯಲ್ಲಿ ಸೇರಿದವರಿಗೆ ದಯಪಾಲಿಸಲಿ. ಆಮೆನ್.